semut dan ambo

Perjalane Ambo Serupo dengae gatteh teksi ,maso nok naik tubing keno kkuat sikit kayoh .

Bakkit Asal : Lagu Dikir barat hok  Halim Yazid dari Pasir Putih kelatte keno denge jiwo Ambo thock kaba tubik  air mato  ngalir cherut2 denga sediri ....Leekok kona lagu dio bawok keno dengan angin ,ore tuo kato lagu tijjok angin.

Kg Jabi dibuka pada tahun 1929 oleh pendatang dari Pattani.

Tubik dale kandunge Mek Ambo kiro-kiro 43 taung duluh ,sekali denge Boh Ayer Meroh di Kg Jabi ,Ulu Besut. Tegganu. Ambo mari kedunio nih ujung tahon 1967.(pucuk tahon doh).Arwoh Ayoh nok bui namo Mat Rani ,maso daftar di Balai polis Pasir Putih  tapi nyar gi tulih Mariani pah ko looni namo tu Ambo paka dale Ic.Maso Ambo lahir  umor  Mek Ambo 28 tahun ikut hok tulih dale surak branok Ambo tuh.

Khazanah Ambo Sipean jak dulu bukti Ambo Warga negaro .Tuo Ambo
duo ari jah pado surak branok niii.Hee..

 Besut Terengganu.
Lepah duduk Jabi Arwoh Ayoh pindo ke Ulu Seladang kemudiae pindoh lagi ko Kg Apal dekat denge Jertih. Maso tuh Mek Ambo ghroyat kawase hok duduk tuh tepak jing dok tendang dan gajoh rima dok kecing bearok.Pokok hutae berdaung tebal nyoo. Suhoh nyoo Mek Ambo nok pero Anok-anok wwi ko besa.

pic lukih gamba rumoh jame dulu ore melayu

Dale rama2 adik beradik Ambo sore rakyat Teganug. Ambo ni pecil dari demo-demo laen ,hok laen branok di Klatte blako-lako.

Kubang Kerian
Arwah Ayoh balik Kaapong umor ambo 3 tahun , nupae dudok tanoh ore duluh di Kg Belukar ,Kubae Kerian.Maso umor Ambo 6 tahun baru lah buleh dudok rumoh sediri di Kg Pulong , sano Mek Ambo branok lagi ko adik-adok Ambo hok lain 3 ore lagi.

skkk 74/79.

Bessar di Kg Pulong dari sekolh rendoh (Darjoh 1 hinggo Darjoh 6) sapako sekoloh menengoh (sekoloh Aneka Mek Ambo Sebot) dari tikkate 1 sapa ko tikkate 3.Ambo bessar denge masok jawi maso umor 14 tahon doh, lewat wehhh....dok di Kubae Keriae.

smkk 1 80/82

Istano Air Mato Di Kg Chicar, Kubae Keriae, Kotho Bhaghru ,Kelatte.

sejik Kubae keriae.

Wakaf Tembesu
Ambo bulih sekoloh Asrama di Wakaf Tembesu, di Kualo Teganung dale tahon 1983/84. Sekoloh tu sekoloh Teknik Teganung, maso tu Kelatte tak dok sekoloh teknik lagih.Dae lah 2 tahung Ambe sekoloh di situh.Tepak Ambe ragin duk gi Kedai Batu 6 ,biasonya pado hari Jumaat kerana tubik semaye Jumaat di Mejik Buluh Gading dan Mejik Pas Batu 6.Kadea-kadea gi semaye di mejik Bukit Tok Bing dan paling Jauh gi Sejik Seberang Takkir.
Kalu Ari Minggu gi Batu 6 ,amik duit di Bank Kwong Yik Bank ,bank ning dah takdok doh looning.

Teknologi Suluh Pembangunan  TiT

pic; technical institute of Terengganu tahun 83/84

 PS: Ingak lagi maso ari meretah deso sekoloh belari atah batah timung chino dalam Kg Tok Jiring...

Kadae -kadae gi bandar Kt maso pitih lebih sikit kerano nok blanjo ,gi beli book,alat kegunaan harian dae gi nenggok sajo2 wat ilang puah dok kurong dale sekoloh,maso tu keda hok sohor gak keda buku Abdullah Al-Yunani dekat Pasar Payang. Hock kee seng emporium dan keda alatan sukan Metro.Maso tu stesen kereta Kedai Binjai dok ado lagi ,sekare tapok dio jadi Hotel Seri Malaysia dekak Kg Chino.

jeti nok ke penambang  Seberang Takir.

Lepah tikatte limo sudoh soh liroh denge amik Spm Ambo balik smula kapong dan kali terakhir jejok kaki di TiT maso Amik Result SPM.Pah tu dok gi-gi sehinggo Adik Ambo (Yasin ) pulok belajjar situh dale tahung 1990. Gi la sekali duo melawat dio . Tulast ambo jengok skoloh Ambo. TIT dale Kenange...

Pasir Mas.

 Kampu Sementara PKB di Skt Kg Manir 1986

Lepah sekoloh di TiT ambo sambong ngajji di Politek Bunut Susu (bangunan sementara ) di Kg Manir. Maso tuh.Mulo-mulo duk nyewo di Kg Hutan Chengal rumoh Abe Roni dan Kak Zah baik sgotti tue rumoh .Time bule poso nya bui makane wat buko poso,kade-kade ari biaso pong nya sedekoh lauk-pauk ke rumoh sewo Ambo.Rumoh sewo Ambo 2 tikat tepi bena-bena denge Kuboe Kg Hutan Chengal.
Maso duk belajja situ dale 1 tahun jah tapi Abih kapong Ambo ronda kenal lah Kg Perangkap.Bechoh Rotan, Bechuh Palas dan Bechoh Durian,Kg Kayu tinggi, Wakaf Bhagru dan sapa  ko ,Bunut Susu dan Kg Gelang Mas. Ambo dan Mazlan Rajein gi Beli di Hari Nak di Kuala Tat  pah ko seberang Alek Siam. kena gi ikut Kg gelang Mas kalu nok gi keda sabtu(Hari Nak)

Pasir Mas

 Maso dok saing sittu Ambo dae raso minum Tuok Tar maso bule poso. azani ismail kg Dangar kawe baik ambo maso duk blajjar di Bunut Susu.
Saing so rumoh sewo di Kg Hutan Chengal: Azman Hashim Kota Bharu,Khalim Omar Kota Bharu, Mohamed othman Bachok ,Mazlan Draman Bukit Marak, Dino(saupi) Kg Dewan , Jugah Kutan Hilir , Zaki Tok Uban, Zulkifli Tanoh Meroh, Nazri Hasan (kawan Ambo Sapa ke looning dari Skkk Lagi ) Bahari Bukit Panau.Nazri Osman Wakaf  Che Yeh. Din Songkok Wakaf Lembu Salor dan Azmi Md Nor Dabong

Ketereh

Kedai Terreh

Bila Politeknik Kota Bharu siap di bina di Kok Lanas, Ketereh Ambo dan semua pakak pindoh ke Bangunan kekal PKB. Ambo lah Batch pertamo product PKB Kok Lanas weh...Maso tuh Demo kereto prebet kenal kalu sebot Politeknik Pangkal Kalong.

First Batch PKB Pangkal Kalong,Kok Lanas  1988

Blajjar di kampus baru memea suko serumo napok janggok dan comel blakko.Maso dok sining tok dae nok derat rato sebab tahun akhir dan duduk dale asrama. Nok tubik pitu paga punyo laa jauh jale kaki ...

PKB DALE KENANGE 1988.
Ambo Sediri Nih
maso  PkB  di Kok Lanas.Nenggung Mikir ko nasik Ambo lagu mano laaa lepah nggaji nih
maso tuh Malaysia tenggoh gawat ekonomi weh.Nggangor ko Ambo nih..nok gii alah mano pulok bawok nasik ..

Kepuutsan pekekso akhir Ambo buleh dikato kan chomel dan layak kalu nok gi U maso tuu.
ambo nok copy jugok ,sohoo sikik ko Anok2 weh...result tahun akhir.
          Result 4 Oct 1998 No Rujukan :43 JA 86 . Kelas :JA2A88.
          Biasiswa : JPA.
1. Pengetahuan Islam   B
2.Kaji Daya Bahan      B
3.Pengurusan Worksyp    A
4.Teknologi Haba dan Bendalir 2     A
5. Kaji Daya Mesin    B
6.Lukisan Kejuruteraan 2    B
7.teknologi Logam Dan Bahan   B
8.Teknologi Worksyop 2    B
9.Teknologi Kejuruteraan Logi   B
10.Unsur Perniagaan Kecil   B
11. Amali dan Projek    B.

Dengan result tuu lah Ambo wat cari make sapa looning.Mitok U buleh doh tapi ingak koo Adik2 rama lagi duk bawoh nok ngaji jugok ,Arwah Ayah doh tuo tohck chekkak doh nok kijo kuat arat koo Mek Ambo sore dok carii make Dok roght wehh ,nok make lagi nok bui anok nggaji lagi harto tak dok...
Lepah nggaji Poli Ambo cari kijo selaluh... Mujo nyo Ado rezeki dok dok nggangor lamo.
Kerano result agok molek biasiswa JPA dio tukar jadi Dermasiswa Ambo dok payoh bayar balik kalu dok kijo denge kerajaan pong ewh.

KOK LaNas. dae duduk dale setahun 1988.

BaHgri Ambo sambong semula pulok cerito tepak ambo bertapok lamo maso  bawok diri cari makke dan pero anok pulok .Sebenarnya Ambo dan Semuk mencari diri sediri ...buak maso loo ning baru sipi-sipi dekak-dekak nok jupo dohh


Penceritaan ini Di gharap di
Kerteh, Kemaman
28 Nov 2010