Saing Rodong


Dulu maso dok main atah wokah
kito tok ingak raso berpisoh
mugo maso tu dunio kito bersaing pagi petang
tok napok muko sorang raso kurang
looning bilo maso raso dok ssorang
teringak semula kisoh mulo
saing rodong tengoh gagoh
rapak senggoti serupo kuku denge isi
 maso dok rioh main aji
tok teringak lasong maso sunyi
gege gegok nok rutoh gerei-gerei
pakak hinggok pakak kobe
tok tenggok muko sari tok leh nok duduk
mugo bersaing senggoti-ngoti
siang male pagi pete huje ribok
kerano saing ambo relo tubik jengok
rokok sebate gilir putin
samo ado samo diraso,mu sikik aku sikik pakak belako
Saing Ambo hok dulu -dulu
pah kemano habih demo
hilang ghaib tok napok bate hidong doh
bilo maso ambo lalu ikuk wokah tepak mulo
hati sayu sedih pilu teringak ko kisoh hok dulu-dulu
kalu bulih putar maso
nok jupo semula seropo mulo duk dikir raghalik tok ingak gapo
lupo sedih lupo semuo
maso tu tok ingak satu maso kito jadi tuo
bawok diri bawok keluargo
saing hok mulo tinggal  semooo
hati ambo bertepik teringak ko demo-demo
pah kemano habih takdo denga berito
hile lenyak mace keno telan ko gerrdo..
mung saing ambo mitok maah sebanyok maso 
kalu kito takdir tok jupo pah sokmooo
doa ambo segenap maso takdir Allah jupo lah kito
bertanyo kaba ghoyat bari biar bulih tengok sediri
muko saing berseri-seri
pengubat rindu pelenyap sepi
Ambo menanti sekian hari.

Senjata Fakir
Ogt Kerteh
11 dec 2010.