Perjalanan Ambo dan Semuk -revisited

Bakkit Asal Diri Ambo re-visited.

Rangkuman Lagu Dikir oleh Saudara halim Yazid dengan bawaan lenggok lagu dan irama Dikir Barat ,mengenangkan kembali perjalanan hidup Ambo dan Semuk masa zaman kanak2 dahulu semasa di Kg Pulong dalam tahun 1970an hingga tahun 1980an.

Hidup dalam keluarga yang miskin dan hina pada pandangan orang kampung dan warih-waroh.

betullah ungkapan dalam lagu dikir barat yang berbunyi " Dae kito takdok gapo sekaro ,lalat seekor pong tok sir inggap" Salah Peristiwa menjadi ingatan sepanjang masa ambo maso kanok2 dulu bilo Mek Ambo suroh gi beli telor itik di rumoh warih Ambo.Dio ado pero ikik telor maso tuu, maso Ambo mitok nok beli teloer bulih nyar kato telor itik takdok jual...ari nih.Balik la ambo kerumooh denge tange kosong .

Maso tuh Mek Ambo yang sunggoh suruh sekoloh dan belajjar benar Anok2 biar Mek tanggong segalo susoh . Musim nok buko sekoloh sebelon buku teks percumo di beri ,Buku sekoloh keno beli sediri .Mek Ambo ikhtiar gi cari book rato-riti rumoh ore hok ado anok sekoloh menengoh doh ,mitok pinje buku hok dok paka lagi untuk sekoloh rendoh. Ado hok baik nya wii sajo dan ado yang bagi pinjem sementaro.

Kain baju pakai jarang bertukar samo lah denge pakaian sekoloh arap ore bui hok anok2 demo tock pade muat doh, denge baju seluar dermo lah ambo gi sekoloh.

Perjuangan lebih tigo dekat dalam pelajaran keluargo Ambo telah berjaya keluar dari belenggu kemiskinan. Allhamdullilah berkat susoh payoh Mek dan Arwah Ayoh mereka sempat mengecapi hasil kemanisan kejayaan Anok2 . dari 6 anok mereka 4 graduate dan 2 keluar institute. Sekarang semua dah ada keluarga masing dan karier sendiri.

 PS:Buat Anok Ambo, turutlah apa yang di pesan Guru ,Mok Ayoh kerano takdok MokAyoh nok tenggok Anok mereka hidup susoh di maso depan.Jange lawan cakap mereka.