ambo dan semuk

Hilang kisoh timbul cerito,seore budok hok suko saing.
Ambo raso teringak ko saing baik ambo maso duduk kapong dulu,saing denga dio pagi petang siang dan male.
Maso  umor 18-22 tahun time ni adalah zame ambo kuat senggoti bersaing.Saing hok rapat sunggoh adalah sepupu Ambo Semea Pok Busu,Mahaza Tok Wan Dolloh,Mija Cikgu Aziz, Pendi Pak Chu Kadir,Arwah Imi Che Tok,Zulkipli Pok Pot,Nasir Pok Wel,Sedi Pok Pa,Saidi Mak Tik,Ayeh Pok Soh Tukang Guting,Sekkedi dan Latih Pok Mae.
Perikak Adik pulok seperti Azman Pok Baka,Peli Mok Noh Buje,Che Gani,Mamat  Yunan ,Mat Lan Sarjan Rosid,,Zulaimi,Mat Nor Kotib,Idi Asan Pok Kara,Ja DO dan rama lagi lah.

Lokasi Utama tempat berkumpul adalah di atah wokah di sipang jalan ke Pasir Jelatang di BT 41/2.
Puok2 Ambo ni baso naka buduk-budok jah.Tepak Ambo dok lepak selalu nyo atah gerei bawoh pokok Jambu Nawar depan rumoh Latih Pok Mae.mane hok dok raghlik gak main carrom,dam aji,main daun terok
seperi jerami dan susun daun RACE.
Kalu belah petang main bola padang di Taman Sri Aman rapak ko Bang Ngorik baru nok sudoh.
Male pulok tubik lagi duk gelewak di tembbok ibu jalan Pasir Putih tuu la ,ngayap rato sapa ko Depan Istano Lepak dakat Kolam Air Macut.
Musim Rajo pujo Umo gak penuh laa depan istano ore tubik tengok api.Lapu lik lak dan kawasan istano penuh pena denge ore kapong pakak tubik tengok Api dan pitu gerebang.
Puok Ambo nii jale kaki rama-rama dae sape ko Lundang duk bile ko pitu geebang.

PS:Kenangan ini Amat Manis dan Sukar dilupakan Ambo,Kalu balik tengok semula tempat Ambo duk saing dulu terasa sayu dan kenangan itu kembali segar semula.Saing dulu telah ramai berpisah dan bawa diri masing-masing setelah mempunyai kehidupan sendiri.Ya Allah Aku mohon Satu Hari Nanti Kami akan Ditemukan Semula dalan Satu Majlis Yang diberkati Mu Ya Allah,Walaupun itu tidak mungkin akan terjadi semula...


Ambo nukil kan Sajak Khas Buat Saing-Saing Rodong.

Saing ROdong

Dulu maso duk main atah wokah

Kito tak ingak raso berpisoh

Mugo maso tu dunio kito bersaing pagi petang

Tok napok muko sorang raso kurang

Looning bilo maso raso duk soorang

Teringak semula kisoh mulo

Saing rodong tengoh gagoh

Rapak senghitti serupo jenelo keno selok

Maso dok rioh main aji

Tok teringak lasong maso sunyi

Gege gegok nok rutoh gerei-gerei

Pakak hinggok pakak kube

Tock tengok muko sari tock leh nok duduk

Mugo bersaing senggoti-nggoti

Siang male pagi pete huje ribok

Kerano saing ambo relo tubik jengok

Rokok sebate gilir putin

Samo ado samo diraso,mu sikik aku sikik pakakblako

Saing ambo hok dulu-dulu

Pah kemano habih demo

Hile ghaib tock napok bate hidong doh

Bilo maso ambo lalu ikuk wokah tepak mulo

Hati sayu sedih pilu teringak ko kesoh hok dulu-dulu

Kalu bulih putar maso

Nok jupo semula serupo mulo duk dikir raghallik tok ingak gapo

Lupo sedih lupo semoo

Maso tu thock ingak maso kito jadi tuo

Bawok diri bawok keluargo

Saing hok mulo tingga semoo

Hati ambo bertepik teringak ko demo-demo

Pah kemano habih tok denga kaba berito

Hile lenyak mace nyo tele ko gerredoo

Mung saing mitok maah sebanyok maso

Kalu kito takdir tock jupo pah sokmoo

Doa ambo segenap maso takdir Allah jupo lah kito

Bertanyo kaba ghoyat bari biar bulih tengok sediri

Muko saing berseri-seri

Pengubat rindu pelenyap sepi

Ambo menanti sekian hari

Maran prapu
Ogt Kerteh
11 dec 2010.